الخطوة 1: إنشاء حساب التاجر
- حمّل تطبيق زوون من Google Play أو App Store، أو افتحه من نسخة الويب.
- اختر "إنشاء حساب" ثم "تاجر".
- عبّي بيانات متجرك: الاسم التجاري، رقم الهاتف، المنطقة، وشعار المتجر إن وجد.
- أرسل الطلب — فريق زوون يراجع كل حساب تاجر جديد يدويًا للتأكد من جديته قبل التفعيل.
بعد الموافقة (عادة خلال ساعات قليلة)، يوصلك إشعار وتقدر تبدأ فورًا.
الخطوة 2: فعّل اشتراكك الشهري
زوون يعمل باشتراك شهري ثابت بدل نسبة من كل طلب — يعني تدفع مبلغ واحد معروف مسبقًا، وكل أرباح توصيلك تبقى لك بالكامل. تقدر تدير وتجدد اشتراكك من قسم "الاشتراكات" داخل التطبيق.
الخطوة 3: أنشئ أول طلب
- من الشاشة الرئيسية اضغط "إنشاء طلب جديد".
- أدخل عنوان الاستلام (متجرك، يُحفظ تلقائيًا للطلبات القادمة).
- أضف وجهة أو عدة وجهات تسليم — كل وجهة تُعبّى بشكل منفصل.
- أدخل قيمة التوصيل المتفق عليها مع العميل.
- أرسل الطلب — يوزّع تلقائيًا لأقرب مندوب متاح.
اطلب من عميلك يحدد موقعه بنفسه
مو مضطر تكتب عنوان عميلك يدويًا في كل مرة. من صفحة التاجر الرئيسية اضغط "طلب عنوان العميل"، وزوون يسوي لك رابط جاهز ترسله لعميلك مباشرة عبر واتساب. العميل يفتح الرابط، يحدد موقعه بدقة على الخريطة، ويعبّي بياناته الأساسية — بدون ما يحتاج يحمّل التطبيق أو يسوي حساب.
بمجرد ما يأكد العميل موقعه، يوصلك مباشرة في قسم "الطلبات الواردة" داخل تطبيقك، وتقدر من هناك تدمجه بطلب جديد وترسل له مندوب على طول — بدون أي كتابة يدوية أو تخمين لموقعه.
جدولة الطلبات حسب وقت عميلك
مو كل طلب يحتاج توصيل فوري. عند إنشاء طلب جديد، تقدر تختار "مجدول" بدل "الحين"، وتحدد التاريخ والوقت اللي يناسب عميلك. زوون يتكفل بالباقي ويبدأ يدوّر على مندوب في الوقت المناسب تلقائيًا، حتى يوصل الطلب بالضبط بالموعد المتفق عليه.
الخطوة 4: تابع حالة الطلب
بعد إرسال الطلب تقدر تتابع كل مرحلة لحظة بلحظة: جاري البحث عن مندوب ← تم القبول ← جاري التوصيل ← تم التسليم. تصلك إشعارات فورية عند كل تحديث، وتقدر تشوف موقع المندوب مباشرة على الخريطة.
الخطوة 5: أدر عملاءك وطلباتك السابقة
قسم "طلباتي" يحفظ سجل كامل لكل طلب سابق — تقدر تبحث وتفلتر بالتاريخ أو الحالة. وقسم "العملاء" يساعدك تحفظ بيانات عناوين عملائك المتكررين حتى ما تعيد إدخالها كل مرة.
نصائح لتحصل أفضل استفادة
- احفظ عناوين عملائك المتكررين لتسريع إنشاء الطلبات لاحقًا.
- استخدم ميزة الوجهات المتعددة لو عندك أكثر من طلب بنفس الوقت — توفر عليك وقت وتكلفة.
- فعّل الإشعارات على جوالك حتى ما يفوتك أي تحديث لحالة الطلب.
- راجع سجل الأرباح بانتظام لمتابعة أداء متجرك عبر زوون.
جاهز تبدأ متجرك على زوون؟
التسجيل يأخذ دقائق، والاعتماد سريع من فريقنا.